Afrikanerrak

Eleberri honek hemendik hamaika urtera gertatuko den istorioa kontatzen du. Europar Batasuneko tropek Afrikako iparraldea inbadituko dute emigrazio ilegalaren aitzakiarekin. Egoera honek Arrasaten bizi den bikote protagonistarengan zer-nolako eragina sortzen duen kontatuko digu Eneko Barberenak.

Egileak: Eneko Barberena
Argitaletxea: Elkar
Argitalpen-urtea: 2019

Eider liburutegiko langilea da eta Aitor, berriz, eskola publiko bateko zuzendaria. Bi protagonista horien eta bigarren familia baten egunerokotasuna kontatzen da liburuan, eta batzen dituen haria indiferentzia da. Europa adineko jendez beteta dago, eta gerrarako gazte nahikorik ez dagoenez  zozketa bidez aukeratuko dituzte soldadugai gazteak. Erasango al dio gerrak bikoteari?

Oharra: Eneko Barberenak XVIII. Augustin Zubikarai saria jaso zuen liburu honi esker.


Hona pasarte bat:

  Gerra. Nola ez.
    – Ez dira liburutegia ixtera ausartuko. Europan esanahia duen lekua da biblioteka, mendeetako prozesu nekezari esker kulturaren herritartzearen gailurra.

Batzuetan jabetzen naiz, betiere nire ahotik irteten entzun eta gero, noizean behin botatzen ditudan esaldien oihartzun arranditsuaz; nagusitasun intelektuala erakutsi nahi duen egoeraren jopu gara batzuk, inkontzienteki.

(20.or.)

Xaloa telebistako bideo honetan idazleak eleberriari buruzko hainbat xehetasun azalduko ditu:

Orrialdeak: 154

Interesatzen zaizu

 
 

Comments
Login for comment

C1 / B2
Nov 15, 2019
Number: 49753204
Dialect:
  • Batua
Number of visits: 203

You may be interested