Larrutik ordaindua

Eleberriaren tramak, 1871ko Parisera garamatza, Frantses Iraultzaren biharamunera. Komuna bat eraiki nahian, gobernu kontserbadorearen aurkako matxinadari errepresioz erantzungo diote agintariek, hirian setio egoera ezarriz. Giro latz horretan kokatu ditu idazleak hainbat hildako, larrututa azaldu direnak.

Egilea: Joseba Lozano
Argitaletxea: Alberdania
Argitalpen-urtea: 2018
 

 

Hilketa bitxi horiek ikertzen dabiltza Sophie, Fabian eta Leo pertsonaiak. Aurreko mendearen hondarrean boladan zeuden hainbat gai ere agertuko dira lerro artean: sozialismoa, histeria, masoneria, opioa, espiritismoa, hildakoekin egindako esperimentuak...

 


Eleberriaren ondoren, idazleak azaltzen du zer den historiko nobelan eta zer fikzio.

Hona pasarte bat:

Gezurra zirudien arren, borroka haien krudeltasuna gorabehera, Pariseko jendea paseatzera ateratzen zen: damatxoak, guardasolak eskuetara lotuak, larruazal zuri-zuriak eguzkitik babesteko; gizonezkoak, kafeetako terrazetan koñaka edaten, era guztietako kapelak jantzita. Vaudevilleak eskaintzen ziren arratsaldero antzokietan, billarrean jokatzen zen, zaldi-lasterketak antolatzen ziren oraindik, kasinoetara joaten zen jendea, dantzalekuetara…

(126. or.)
 

Orrialdeak: 296

Interesatzen zaizu

 
 

Comments
Login for comment

C1
Nov 20, 2018
Number: 32641199
Dialect:
  • Batua
Number of visits: 157

You may be interested