Hauts haietatik

Nobela saritu hau Eibarren dago kokatua, 80ko hamarkadan. Ander gazteak dena dauka bere alde: lana, dirua, maitasuna … Baina, halako batean, gainbeheran eroriko da Ander: droga (hautsa), infernua, psikiatrikoa…

Biziberrituta aterako da esperientzia honetatik, baina iragana eta oraina ulertzeko premia izango du, sentitzen duena idaztekoa, eta Oier, txikitako lagun idazleari, laguntza eskatuko dio.
Anderren antzeko istorio asko izan ziren garai hartan Euskal Herrian , beraz, belaunaldi baten kronika ere bada eleberria. Bertan maiz kanta-zatiak daude, eta Unai Villenak proposatzen du kanta horiek aurkitu eta sarean entzutea, nobelaren giroa hobeto harrapatzeko.

 

Egilea: Unai Villena
Argitaletxea: Elkar
Argitalpen-urtea: 2016

 

 

 

 

 

 

Hona Ane neska-lagunak zer dioen Anderrez:
Nire lehen mutil-lagun serioa izan zen Ander Arruti. Ez nintzen sekula Arru deitzera ohitu; niretzat beti izan zen Ander. Ni baino hiru urte nagusiagoa zen, begiz jota neukan mukizu bat nintzenetik, eta Ilgorako barraren bestaldetik begiratzen nion, beste askok bezala, institutuko lehenengo mailan, hamalau edo hamabost urte genituela, tabernetan ibiltzen hasi ginenean. Garai hartan Elgoibarrera joaten ginen kuadrillakoak larunbatetan arratsalde-pasa dena libre zen herrian gurasoen begiradapetik urrun geure kasa ibiltzera. Bailara osoko eta urruneko herrietatik etorritako zientoka gaztetxoren artean ibiltzen ginen bertako kale luzeko tabernetan parrandan, gibelak edabe etilikoz zopatu eta mutiletan egiten eta ondo pasatzen. 


(120. or)

 

 
Liburuaren aurkezpena Igartza Jauregian:

Orrialdeak: 288

Interesatzen zaizu

  • Dena zekien gizona

    Dena zekien gizona

    Imanol Altuna Lasa izeneko Errotxapeako heldu baten bizitza kontatzen du Daniel Sanz madrildar euskaldun berriaren lehen eleberriak. Gaztetan, Imanolek bere burua bakartzeko joera zuen, bakarrik sentitzen baitzen, baita lagunartean ere.

    Dena zekien gizona
  • Hitzontziak

    Hitzontziak

    Hitzontzi hutsak dira eleberri honetako lau protagonistak, iraganeko mamuen sufrikarioa eraman ezinda dabiltzanak. Elkar ezagutzen ez duten lau pertsona hauek taberna batean egingo dute topo eta maiz elkartzen hasiko dira, bakoitzaren nahigabea eta iragana azaleratuz.

    Hitzontziak
  • Danba!: belaunaldi kronikoa

    Danba!: belaunaldi kronikoa

    Nobela beltz honek Bilbon gertatzen den droga trafikoarekin lotutako kasu bat kontatzen du. Hiru gazte drogan sartuko dira, eta horietako bat atxilotu egingo dute. Gazte horren abokatu Paula Badiola da eleberri honetako protagonista.

    Danba!: belaunaldi kronikoa
  • San Ferminetan, Lesakan

    San Ferminetan, Lesakan

    San Fermin eta Lesaka, zein hiru hitz indartsu irakurle gazteak harrapatzeko! Zeren idazleak 14-15 urte inguruko ikasleak izan ditu gogoan, eta istorio honetara ekarri ditu. Ikasleak dira protagonista, eta institutu-garaiko bidaia, ikastaro-bukaerakoa, antolatzen ari dira, zerbait bidaia arriskuan jartzen hasten den arte.

    San Ferminetan, Lesakan
  • Gazteak eta alkohola

    Gazteak eta alkohola

    Gazteek alkohola kontsumitzeko duten ohituraz hitz egin dute Euskadi Irratiko saio batean. Jakina da boteiloiak eta horien inguruan arazoak sortzen direla herri askotan ia astebururo. Elgoibar da arazo hori sufritzen duen herrietako bat; baina badira herri gehiago ere.

    Gazteak eta alkohola
  • Drogen atzaparretatik atera nahian

    Drogen atzaparretatik atera nahian

    Drogaren munduan erori direnei laguntzeko talde eta proiektu bat baino gehiago sortu dira. Horietako bat dugu Gizakia Helburu, erdaraz Proyecto Hombre. Elkarte horren 25. urteurrena dela-eta, erreportaje bat egin dute Euskadi Irratian. Bertan azaltzen dute zergatik sartzen den jendea drogaren munduan, drogak zer arazori ematen dion ustezko irtenbidea, nola atera  putzu beltz horretatik... Erreportajea egiteko, terapeuta batekin eta drogekin arazoak izan dituen batekin hitz egin dute.

    Drogen atzaparretatik atera nahian
 
 

Comments
Login for comment

C1
Apr 8, 2016
Number: 2152364
Dialect:
  • Batua
Number of visits: 3689

You may be interested