Docutec Card

Atzerriko inauteriak ezagutzeko gogoa, dirua eta oporrak bagenitu...

Atzerriko inauteriei buruzko artikulu laburra. Hainbat lekutako inauteriak nolakoak diren azaltzen du arinki.

Euskal Herrian eskaintza zabala dugu inauteriei dagokienez. Eta, hala ere, bada egun hauek pasatzera atzerrira joaten denik.

Urtero telebistan ikusten ditugun irudiek Rio, Venezia edo Tenerifera joateko gogoa pizten digute nonbait. Dirua soberan eta astebeteko oporrak ditugula pentsatu eta gertueneko bidai agentziara hurbildu gara. Irudimena askatu eta Rio de Janeirora joan nahi dugula esan diogu agenteari. «Ez du merezi» esan digu berehala. Prezioak izugarri garestitzen dira inauterietan eta hotel ona topatzea garrantzitsua omen da, gainera. Hotel ona eta segurua.

Sarritan komunikabideek islatzen duten legez, oso arriskutsua ei da Rio inauteri garaian. Gehiegizkoa da zentzu guztietan Brasilgo inauteria. Prezioan ere. Milioi erdi pezeta xahutu daitezke aste betean ahalegin handirik egin gabe.

Erritmo eta eguraldi beroen bila bagabiltza, Tenerife omen da egokiena. 50.000 pezetarekin astebeteko hotela eta hegazkina lor ditzakegu.

Gehiengoak aukera honi heltzen dio, agentzian esan digutenez. Veneziara ez da hainbeste jende joaten, baina, inauteri dotore hauek ezagutu nahi dituenak 80.000 pezetatik gora ordaindu beharko du astea pasatzeko -San Markos plaza inguruan lo egin nahi duenak 130.000-.

Dena den, inauterietan mozorro berezi bat nagusitzen da gurean ere: eskiatzaileen mozorroa. Bidai agentziako atea gurutzatzen dutenen gehiengoak inauteriak eskiatzen pasa nahi ditu

 

Interesatzen zaizu

  • Inauteri, komun eta berezi

    Inauteri, komun eta berezi

    Zenbait herritan hasiak badira ere, bihar ekinen diote herri gehienetan inauterietako ospakizunei, bai Euskal Herrian, baita Europa osoan ere. Han eta hemen, landa eremuko erritu eta tradizioetan antzeko elementuak ikus daitezke, kontinenteko kulturen loturaren ondorioz, aditu batzuen ustetan.

    Inauteri, komun eta berezi
 
 

Comments
Login for comment

B1
Jan 29, 2000
Number: 27266
Source:
Dialect:
  • Batua
Number of visits: 3637