Docutec Card

Erretzeko debekua ezarri zenetik, haurren asma-kasuak murriztu dira

Gune publikoetan erretzeko debekua ezarri zenetik askoz ere haur gutxiago ospitaleratu behar izan dituzte asmagatik. Erresuma Batuan egindako ikerketa batek hala erakusten du.

Debekuaren ondotik hiru urtetan 7.000 ospitaleratze gutxiago izan direla kalkulatzen dute.

 

Transcription:[+] Transcription:[-]

Ane Roteta berriemailea.- Erresuma Batuan nabarmen gutxitu dira haurren ospitaleratzeak asmagatik, espazio publikoetan erretzea debekatu zutenetik.
2007an, debekua indarrean jarri zen urtean, % 12 jaitsi ziren, hain zuzen ere.
Berehala izan omen zuen eragina, gorantzako joera zegoen urtez urte asma-kasu larrietan eta 2007an jaisten hasi eta ordutik behera doa.
Debekuaren ondotik hiru urtetan 7.000 ospitaleratze gutxiago izan direla kalkulatzen dute.
Erretzeko debekuak uste baino eragin handiagoa izan dute, batez ere erretzaileen jarrera aldatu omen da.
Ustekabekoa izan omen zen, jendeak zioen tabernan erretzea debekatzen bazen etxean erreko zela gehiago, haurren kalterako, baina bestela izan omen da.
Espazio publikoetan debekatu zenetik gutxiago onartzen omen da etxean erretzea. Jendeak kontzientzia hartu du eta asma dutenentzat onuragarria izan da.
Erresuma Batuan herritarren % 20 inguru dira erretzaileak, baina ohituretan izan da aldaketarik handiena, gero eta gehiago dira, behartu ala ez, erretzera kalera irteten direnak.

 
 

Interesatzen zaizu

 
 

Comments
Login for comment
B2
Jan 31, 2013
Number: 1228735
Source:
Dialect:
  • Batua
Duration: 01:11
Number of visits: 3812