Udaberri partean ugaritu egiten dira doministikuak polenaren eraginez; izan ere, pertsona alergikoen kopuruak gora egin du ikaragarri eta, dirudienez, aurrerantzean mundu zabalean ugaritu besterik ez dira egingo sendabide zail samarra duen gaitz horrek jotako gaixoak. Ataza-sekuentzia honetan, alergiaren arrazoiak eta erreakzio alergiko nagusiak ezagutu eta gaitzaren ezaugarriak bilduko dituzu lehenengo bi atazetan. Azkenekoan, alergia zer den azalduko duzu, entzun eta irakurriko dituzun azalpenen laguntzaz.
Helburua: Bizkarreko mina sendatzeko bideak aztertu eta gaixoari bizkarrarentzako ariketak nola egin azaltzea Bizkarreko mina tratatzeko garaian garrantzitsua da bizkarrezurrari arreta berezia eskaintzea. Bizkarrezurra manipulatzeko eta zaintzeko teknika eta metodo ugari garatu dira, gaixoari mina arintzeko edota sendatzeko abantaila nabarmenak eskainiz. Ataza-sekuentzia honetan, horietako batzuk ezagutzeko eta aztertzeko aukera izango duzu. Lehenengo atazan, kiropraktika zertan den eta bizkarrezurraren zainketan nola lagun dezakeen aztertuko duzu. Bigarrenean, teknologia berriek egin dezaketen lanaz arituko zara, orno-deskonpresioko mahaiaren ezaugarriei buruzko artikulua landuz eta bere funtzionamendua azalduz. Azkenik, bizkarra zaindu behar duen gaixoari etxean egiteko hainbat ariketa azalduko dizkiozu kontsultako elkarrizketan.
Sekuentzia honetan, baldintza hipotetikoei buruz jardungo dugu. Zozketa baten iragarki batetik abiatuta, iraganeko baldintza irrealen inguruan, batik bat, arituko gara. ...[+]
