Zer jaten dugun, huraxe omen gara. Gehiegizkoa irudituko zaio bakarren bati agian, baina ukaezina da, nolanahi ere, jateak —elikadurak— gure osasunean duen eragina. Elikatzea bizirauteko derrigorrezkoa dugu, jakina. Baina kontua ez da bizirik irautea, bizimodu osasuntsua egitea baizik; horretarako, zer, zenbat, noiz, nola eta norekin jaten dugun kontuan hartzea ez da alferrikakoa izaten. Gai hauxe izango duzu ardatz ondorengo ariketa-sekuentzian.
Haurren minbizia izango duzu hizpide sekuentzia honetan. Lehen atazan, eskolako hezitzaileei zuzendutako gida baten atal bat irakurriko duzu. Informazio hori baliatuta, haur-minbiziari buruzko ezaugarriak, minbizi mota ohikoenak eta tratamenduak aztertuko dituzu. Bigarrenean, minbizia diagnostikatu dioten haur baten gurasoen bizipenak ezagutuko dituzu, eta haurrak jaso duen arreta aztertzeko aukera izango duzu. Azkenekoan, berriz, haurrari bere gaixotasunaren berri nola eman aztertuko dituzu kontsultako elkarrizketan.
Tentsioa hartzea ohiko praktika da jarduera medikoan. Izan ere, oso garrantzitsua baita presio arteriala egokia izatea, odola gorputzeko leku guztietara ondo iritsiko bada. Ataza-sekuentzia honetan tentsioa neurtzeko teknikaz gain, oro har izaten diren arazoak eta horiek zuzentzeko tratamendua ezagutzeko aukera izango duzu irakurriko duzun artikuluari esker. Kontsultako elkarrizketan, berriz, hipotentsioa duen paziente baten kasua aztertuko duzu.
Ataza-sekuentzia honetan, halitosia zer den eta arazoa gainditzeko aholkuez arituko zara irakurriko duzun artikuluan. Kontsultako elkarrizketan, dentistak paziente bati egindako diagnosia aztertuko duzu, eta ondoren hainbat aholku euskaratuko dituzu.
Pertsona nagusiek teknologia berriekin duten harremanaz arituko zara sekuentzia honetan. Lehenengo atazan, Maite Irazabalbeitiak idatzitako artikulua irakurriko duzu eta horri esker, adinekoek teknologia horiek nola erabiltzen dituzten aztertuko duzu, dauzkaten mugetan arreta berezia jarriz. Bigarrenean, aldiz, Internetek ekar ditzakeen onurak aztertuko dituzu irratsaioan emandako informazioa baliatuta.
Helburua: Apnea zer den aztertu eta loaren azterketa egitera doanari proba nolakoa izango den azaltzea Egunean zehar lo hartzeko joera izateak badu azalpena zenbait kasutarako, loaldiko apnea deitzen den sindromea, hain zuzen. Ataza-sekuentzia honetan, gai hori izango duzu hizpide. Lehenengoan, apnea hori zer den aztertuko duzu sendagilearen adierazpenetatik abiatuta. Bigarrenean, zein proba diagnostiko eta tratamendu dauden ezagutuko duzu. Eta azkenekoan, proba bat egitera doanari harrera nola egin aztertuko duzu elkarrizketaren bidez.
Oinetan ager daitezkeen arazoak areagotu egiten dira pertsona diabetikoa denean. Egoera larria izan daiteke, dirudienez, diabetiko guztien % 30ek izango baitu bizitzan oinetako arazoren bat. Ataza-sekuentzia honetan, podologiaren ikuspuntutik nolako atentzioa eskaintzen zaion aztertuko duzu, Eneko Txurruka podologoaren artikulutik abiatuta. Bigarren atazan, aldiz, oinean ultzera duen pertsona diabetiko batekin izandako elkarrizketa izango duzu aztergai.
Gurasoei zuzendutako lehen sorospenak izango dituzu hizpide ataza-sekuentzia honetan. Lehenengo atazan, haurrek izan ohi dituzten ohiko gaixotasunei nola egin aurre aztertuko duzu artikuluaren lanketaren bidez. Bigarrenean, umeari eztarrian zerbait trabatuta geratzen zaionean nola jokatu behar duen azaltzeko elkarrizketa aztertuko duzu.
Urteak joan ahala, gero eta gehiago dira sendatzen eta gainditzen diren minbizi kasuak. Hala eta guztiz ere, oraindik ikaratu egiten gara minbizia hitza entzuten dugunean. Ataza-sekuentzia honetan, baikor heldu behar diozu gaiari, eta hemen ikusitakoak agian balio lezake minbizia ez dela heriotzaren sinonimoa azaltzeko gaixoari. Lehenengo atazan, bideo-pasartea ikusi eta tumorea zer den aztertu ondoren, minbizia heredatuko ote duen kezkatuta dagoen pazienteari erantzungo diozu. Bigarrenean, minbizia sendatzeko erabiltzen ari diren botika eta tratamenduak izango dituzu aztergai, minbiziaren aurkako borrokan egiten ari diren lorpenez informatzeko gaixoa. Eta hirugarrenean, bularreko minbizia gainditzeko bidean dagoen emakume baten adierazpenak entzun eta gaixoa elkarteetara jotzeko aukeraz aholkatuko duzu.
Badirudi asma-kasuak areagotu egin direla azkenaldian pediatriako kontsultetan. Ataza-sekuentzia honetan gaitzarekin lotutako informazioa bildu eta aholkuak emango dituzu, eta azken atazan, gurasoek egin ohi dituzten galderei erantzuteko parada hartuko duzu.
Sekuentzia honetan, baldintza hipotetikoei buruz jardungo dugu. Zozketa baten iragarki batetik abiatuta, iraganeko baldintza irrealen inguruan, batik bat, arituko gara. ...[+]
